«Қайсар» Дания кубогының жартылай финалистімен ойнайды. «Қайсар» - «Фредерисия» матчын қайдан көруге болады

Түркияда өткен жиында қызылордалық «Қайсар» Дания кубогының жартылай финалисті  «Фредерисия» клубымен ойнайды, деп хабарлайды Sport Plus Qazaqstan.

«Фредерисия» Дания чемпионатының екінші лигасында өнер көрсетеді. Олар қысқы үзіліс алдында турнир кестесінде бесінші орында тұрақтады.

Кубоктың ширек финалында олар екі матчтың қорытындысы бойынша «Лингбюден» басым түсті, енді жарыстың ½ финалында «Силькеборгпен» кездеседі.

«Қайсар» өзінің соңғы кездесуінде «Руставиді» 1:0 есебімен тізе бүктірді. Осыдан кейін Әділет Кеңесбек және Қуаныш Қалмұратовпен келісімшарттар ұзартылды, сонымен қатар «қасқырлардың» қатарына Тоқтар Жаңылышбай және өзбекстандық Шохназар Норбеков қосылды.

«Қайсар» - «Фредерисия» ойыны Астана уақытымен сағат 15:00-де басталады.

Матчтың тікелей эфирі Sport Plus Qazaqstan телеарнасында және сайтта, сонымен қатар YouTube арнасында жоспарланған.