Бақдәулет Зулфикаров: Жаңа маусымда кемінде 10 гол соғуға мақсат қойдым

Қызылордалық «Қайсардың» шабуылшысы Бақдәулет Зулфикаров Sport Plus Qazaqstan сайтына берген сұқбатында оқу-жаттығу жиынындағы дайындық туралы айтып берді.

- Жолдастық кездесуде тактика жағынан жұмыс жасаудамыз. Маусымға жақсы дайындалып жатырмыз. Алда не боларын бір Алла біледі. Чемпионаттың басталуына аз ғана уақыт қалды. Былтырғы орынға қарағанда жақсы нәтиже көрсетуге тырысамыз. Арманым – ұлттық құрамада ойнау. Сол арманға қол жеткізуге тырысамын. Командалық мақсаттар туралы айтар болсам, биыл үздік үштікке кіруге әрекет етеміз. Кубокта өткен маусымда жарыс жолынан ерте шығып қалған едік, биыл енді жүлде үшін таласуға мақсат коюдамыз. Жаңа маусымда кемінде 10 гол соғуға тырысамын. Бәрі Алланың қолында, ал мен енді әрекет етуге тырысамын, - деді 22-жасар ойыншы.