Қадырбек Шынбаев аралас жекпе-жектен Азия ойындарының чемпионы атанды
Қазақстандық жауынгер Қадырбек Шынбаев аралас жекпе-жектен Аичи мен Нагояда (Жапония) өтіп жатқан Азия ойындарының финалында сәтті өнер көрсетті, деп хабарлайды Sport+ Olympic.kz сайтына сілтеме жасап.
Отандық спортшы 71 келіге дейінгі салмақта (modern) жеңіс тұғырына көтерілді.
Қадырбек алтын жүлде сарапқа салынған жекпе-жекте тәжікстандық Бехруз Хуршедзодадан 3:0 есебімен басым түсті.
Осылайша Қадырбек Шынбаев аралас жекпе-жектен ұлттық құрама қоржынына екінші алтын медальді салды.
Айта кетейік, бұған дейін Еркінғали Бүркіталин (77 келіге дейін) алтын алған еді.
