Парижде ауыз су мен көлік қиындықтары туындады
Париждегі Олимпиада ойындарының қонақтары ауыз су мен көлік жетіспеушілігіне тап болды, деп хабарлайды Sport Plus Qazaqstan.
IRNA ирандық агенттігінің журналисті Сайед Джавад Баширидің сөзіне сәйкес, әуежайдан арнайы трансфер қарастырылмаған, ал көптеген метро бекеттерінде эскалаторлар істен шыққан.
Оған қоса, көшеде үйсіз адамдардың көптігі және қауіпсіздіктің сезілмейтіні айтылады.
«Франция осы уақытқа дейін қонақтарды лайықты қарсы алуға көп қаражат жұмсағанын айтқан еді, алайда қазіргі уақытта БАҚ өкілдерінде тіпті ауыз сумен мәселе туындады», — дейді Башири.
Олимпиада Ойындары 26 шілде мен 11 тамыз аралығында өтеді.
