Паралимпиада алтынын жеңген қазақстандық спортшы қанша сыйақы алады?
Париждегі жазғы Паралимпиада ойындарының чемпионы атанған Давид Дегтярев осы жетістігі үшін мемлекет тарапынан сыйақы алады, деп хабарлайды Sport Plus Qazaqstan.
Бұл жеңісі үшін Давид Дегтярев мемлекет тарапынан 250 000 АҚШ доллары көлемінде қаржылай сыйақы алады.
Айта кетейік, қазіргі таңда Қазақстан құрмасы Париждегі жазғы Паралимпиада ойындарында үш медальге қол жеткізді: бір алтын, бір күміс және бір қола.
Пара оқ атудан Еркін Ғаббасов күміс медаль, ядро лақтырудан Дастан Мұқашбеков қола медаль, пара пауэрлифтингтен Давид Дегтярев алтын медаль жеңіп алды.
