Өзбек шабуылшысы «Ордабасыдан» кетті

26 жастағы Шымкенттің «Ордабасы» клубының шабуылшысы Бобур Абдухаликов ресми түрде командадан кетті, деп хабарлайды Sport Plus Qazaqstan.

Ол енді Өзбекстанның «Насаф» клубының намысын қорғамақ. Жаңа командасына еркін агент ретінде барды.

Абдухаликов «Ордабасы» сапында былтырғы жылдың ақпан айынан бері ойнады. Шымкент командасы сапында жалпы 36 ойынға қатысып, 8 гол соққан. Сонымен қатар 4 нәтижелі пасы бар.

Былтыр командамен Қазақстан чемпионы атанды.