Оралхан Өміртаев БАТЭ үшін дебюттық гол соқты

Қазақстандық Оралхан Өміртаев Беларусь чемпионатындағы матчта БАТЭ сапында нәтижелі әрекетпен көзге түсті, деп хабарлайды Sport Plus Qazaqstan.

Алайда бұл гол борисовтықтарға «Торпедо БелАЗға» қарсы ойында ұпай жинауға жеткіліксіз болды. Матч 2:1 есебімен Жодино командасының пайдасына аяқталды.

Өміртаев ойынды қосалқы құрамда бастап, 67-минутта алаңға шықты, ал 82-минутта гол соқты.

Айта кету керек, Оралхан Қазақстан құрамасының Норвегия және Словениямен өтетін матчтарына арналған кеңейтілген тізімге енді.