Норвегия Австриядан басым түсті

Норвегия құрамасы Ұлттар Лигасының топтық кезеңінің екінші турында өз алаңында Австрияны 2:1 есебімен жеңді, деп хабарлайды Sport Plus Qazaqstan.

Норвегия құрамасы сапында Феликс Мюре мен Эрлинг Холанд ерекшеленсе, Австрияның жалғыз голын Марсель Забитцер соқты.

Қазіргі таңда Словения мен Норвегия 4 ұпаймен бірінші және екінші орындарда, ал Австрия мен Қазақстан 1 ұпаймен үшінші мен төртінші орындарда тұр.

Келесі турда Қазақстан құрамасы Австриямен, ал Словения Норвегиямен кездеседі. Матчтар қазан айында өтеді.