NAIZA және Fight Night турнирінде қатысушы өзгерді
NAIZA және Fight Night бірлескен турнирінде Магерам Гасанзаде мен Сәбит Жүсіпов жекпе жегі өтуі тиіс еді. Алайда Сәбит жарақат себебімен кездесуден бас тартты, деп хабарлайды Sport Plus Qazaqstan.
Сәбиттің орнына Аслан Өтеғалиев шығу керек еді, бірақ бұл спортшы да жұдырықтаспайтыны белгілі болды. Енді Гасанзаденің қарсыласы Бекжан Өтемісов (7-2) атанбақ.
Бүгін спортшылар салмақ өлшеу рәсімінен өтті. Магерам 63,4 келі, Бекжан – 63,1.
Турнир 18 мамыр күні өтеді. Sport Plus Qazaqstan телеарнасы тікелей эфирде жарысты ұсынады.
