NAHL лигасында ойнайтын жас қазақстандық құрамаға шақырту алды

«Бисмарк Бобкэтс» хоккей клубының 19 жастағы шабуылшысы Александр Ким Канадада өтетін әлем чемпионатына дайындалу үшін Қазақстан жастар құрамасына шақырту алды, деп хабарлайды Sport+.

Ағымдағы маусымда қазақстандық ойыншы Солтүстік Американың хоккей лигасының (NAHL) тұрақты чемпионатында 17 матч өткізіп, 11 ұпай (5 гол және 6 нәтижелі пас) жинады.

Жастар арасындағы әлем чемпионаты 2024 жылдың 26 желтоқсаны мен 2025 жылдың 5 қаңтары аралығында Канада астанасы Оттавада өтеді. Қазақстан құрамасы «В» тобында Швеция, Чехия, Словакия және Швейцария құрамаларымен кездеседі.

Бұған дейін «Спокан Чифс» командасының 18 жастағы шабуылшысы Асанәлі Сәркенов те әлем чемпионатына дайындық үшін Қазақстан жастар құрамасына шақырту алған болатын.