Лицензия алуға бар күшімізді салып жатырмыз - Әлия Юсупова

Париж-2024 Олимпиада және Паралимпиадаға дайындық штабының жетекшісі Елсияр Қанағатов пен орынбасары Диас Ахметшәріп Шымкент қаласындағы спортшылардың төртжылдық додаға дайындық барысымен танысты, деп хабарлайды Sport Plus Qazaqstan.

Кездесу барысында көркем гимнастикадан Ұлттық құраманың бас бапкері Әлия Юсупова штаб өкілдеріне шәкірттерінің Олимпиадаға қалай дайындалып жатқанын баяндап берді.

Алда лицензиялық Азия чемпионаты келе жатыр. Онда бір жолдамаға Қазақстан, Қытай және Жапония спортшылары таласады. Сондықтан біздің спортшыларымызға артылған міндет ауыр.

Қазіргі таңда лицензиялық турнирге баратын спортшыларымыз өз жоспарлары бойынша дайындалып жатыр. Олимпиада жолдамасына екі спортшымыз таласады. Оның бірі Эльжана Таниева және Айбота Ертайқызы.

Біз лицензия алуға бар күшімізді саламыз, - деді бас бапкер Әлия Мақсұтқызы кездесу барысында.