Кукушкин Америкадағы турнирден ұшып кетті

Қазақстандық теннисші Михаил Кукушкин (АТР 140) Финикс (АҚШ) қаласында өтетін турнирден шығып қалды, деп хабарлайды Sport Plus Qazaqstan. 

Қазақстандық спортшы іріктеу кезеңінің жартылай финалында австралиялық Адам Уолтонмен (150) кездесті. Бір сеттен астам уақытта Кукушкин 2:6, 0:2 есебімен жеңіліп, одан әрі ойыннан бас тартты. Кездесу 42 минутқа созылды.

Биылғы маусымда Михаил негізінен жекелей сында өнер көрсетуде. 2024 жылы қазақстандық теннисші екі титул жеңіп алды: Бахрейннің Манама және Испанияның Тенерифе турнирлерінде.