Конькимен жүгіруден төрт құрлық чемпионатына қатысатын Қазақстан құрамасы белгілі болды

Конькимен жүгіруден Қазақстан құрамасының бапкерлік кеңесі Хатинохе (Жапония) қаласында өтетін төрт құрлық чемпионатына қатысатын спортшыларды жариялады, деп хабарлайды Sport+  Olympic.kz сайтына сілтеме жасай отырып.

Халықаралық турнир 15-17 қараша аралығында өтеді. Қазақстан атынан 15 спортшы жарысқа қатысады. 

Спортшылар арасында Ақжол Нұрәлі, Виталий Щиголев, Бақдәулет Сағатов, Евгений Кошкин, Никита Важенин, Роман Биназаров, Андрей Семенов, Алтай Жәрдембекұлы, Надежда Морозова, Кристина мен Инесса Шумековалар, Кристина Силаева, Мария Деген, Маргарита Галиева және Дарья Важенина бар.