Катар – Ливан: Азия Кубогының ашылу ойынын қайдан көруге болады
12 қаңтар күні Азия Кубогының ашылу ойынында Катар мен Ливан құрамалары кездеседі. Sport Plus Qazaqstan редакциясы ашылу матчын қалай және қайда көруге болатынын, сондай-ақ турнир жайлы басқа да мәліметтерді айтып береді.
Ашылу матчы қашан, қай жерде және сағат нешеде басталады?
Ойын 12 қаңтар күні Астана уақытымен 21:50-де басталады. Кездесудің тікелей трансляциясын Sport Plus Qazaqstan телеарнасы мен sportplustv.kz сайтынан (сілтемені басу арқылы) көре аласыздар. Командалар Лусаил қаласындағы (Катар) 88 000 көрерменге арналған қаламен аттас стадионында ойнайды.
Турнирдің ашылу ойынына қазірдің өзінде 68 мыңнан астам билет сатылған. Турнир қожайындары мен Ливан құрамасы Қытай және Тәжікстан құрамаларымен бірге «А» тобында өнер көрсетеді.
Катардағы турнирдің ашылу салтанаты сағат 20:30-да өтеді, оны sportplustv.kz сайтынан да көруге болады.
Матч алдында «Sport Plus Qazaqstan» телеарнасында Астана уақытымен 21:20-да қазақстандық маман Александр Кузнецовпен жоспарланған студияда алдағы Азия Кубогы туралы пікірімен бөліседі.
Қазақстан аумағында тек Sport Plus Qazaqstan телеарнасы 2024 жылы өтетін Азия Кубогының матчтарын көрсетеді.
Турнирге қанша құрама қатысады?
Азия құрамалары үшін басты футбол жарысы 2024 жылдың 12 қаңтары мен 10 ақпаны аралығында Катар елінде өтеді. Кубок үшін 24 команда таласатын болады.
Азия Кубогының форматы
Іріктелген 24 құрама төрт командадан алты топқа бөлінеді. Әр топтан екі команда шығады, сондай-ақ үшінші орын алған төрт үздік команда келесі кезеңге жолдама алады. Плей-офф кезеңінде командалар Азия құрлығында ең мықты ұжымды анықтайды.
