Канвон-2024: Биатлоннан спринт бағдарламасы бойынша ұлдар бәсекесі аяқталды

Оңтүстік Кореяның Канвон қаласында өтіп жатқан IV қысқы жасөспірімдер Олимпиадасында бүгін биатлоннан спринт бағдарламасы бойынша ұлдар арасындағы медальдар сарапқа салынды, деп хабарлайды Sport Plus Qazaqstan.

Биатлоннан 7,5 шақырымдық спринт бағдарламасына Қазақстан атынан 3 спортшы қатысты.

Өкінішке қарай үшеуі де үздіктер қатарынан көріне алған жоқ. Антон Редкин мәре сызығын 17-ші болып кессе, Кирилл Зотов 48-ші болып келді.

Тағы бір отандасымыз 98 спортшының арасынан 77-орынға табан тіреді.

Жеңімпаздар мен жүлдегерлер:

Спринт. Ұлдар. 7,5 шақырым. 98 қатысушы

1-орын Франция - Антонин Гай (0+1) — 20:57.7
2-орын – Норвегия Тов Роесланд (0+1) — 21:29.5
3-орын Франция - Флавио Гай (3+1) — 21:55.2
17-орын – Қазақстан - Антон Редкин (1+0) — 23:16.2
48-орын – Қазақстан - Кирилл Зотов (2+1) — 24:33.7
77-орын – Қазақстан - Ильяс Хасенов (4+3) — 26:38.9