Юлия Путинцеваның келесі матчы бүгін кешке көрсетіледі

Қазақстанның екінші ракеткасы Юлия Путинцева әлемнің үздік ойыншыларының бірі Ига Швентекті жеңіп, Уимблдонның 1/8 финалына өтті. 

Алда турнирдің 13-нөмірлі Латвия өкілі Елена Остапенкомен матч күтіп тұр.

Бұған дейін теннисшілер төрт рет кездескен, барлық ойынды хардта өткізген екен.

2016 жылы Бейжіңде 6:1, 3:6, 7:5 есебімен Юлия жеңіске жетсе, Австралиан Опен, Индиан Уэлсте латвиялық теннисші басым түсіп, Цинцинатиде Путинцева алға шыққан.

Өзара бесінші кездесу 8 шілде күні өтеді. Басталуы шамамен 19:30да.

Тікелей эфир Sport Plus Qazaqstan телеарнасында және sportplustv.kz сайтында.