Футболдан Чемпиондар лигасының екі ойыны өтеді

Футболдан UEFA Чемпиондар лигасының 1/8 финалының қарымта ойындары өтеді, деп хабарлайды Sport Plus Qazaqstan.

Бүгін «Реал Сосьедад» (Испания) пен «Пари Сен-Жермен» (Франция) ойнайды. Алғашқы ойында франциялық клуб қарсыласынан 2:0 есебімен басым түскен болатын.

Ал, 6 наурызда «Манчестер Сити» (Англия) мен «Копенгаген» (Дания), «Реал Мадрид» (Испания) пен «Лейпциг» (Германия) командалары шеберлік байқасады.

2023 жылы Англияның «Манчестер Сити» клубы өз тарихында тұңғыш мәрте Чемпиондар лигасында жеңімпаз атанған еді. Ағылшындық клуб финалда Италияның «Интер» командасынан 1:0 есебімен басым түскен.