Фьюри-Усик жекпе жегінің белдігі көрсетілді

General Entertainment Authority (GEA) директорлар кеңесінің төрағасы Турки Әл аш-Шейх, Тайсон Фьюри мен Александр Усик жекпе жегінің жеңімпазына табысталатын арнайы белдікті таныстырды, деп хабарлайды Sport Plus Qazaqstan.

Аса ауыр салмақта WBA, IBF және WBO бойынша әлем чемпионы мен осы салмақ дәрежесінде WBC титулының иегері арасындағы кездесу 17 ақпан Әр-Риядта өтуі тиіс еді, бірақ британдық спортшының жарақатынан 18 мамырға ауыстырылды.

«Бұл белдік Фьюри немесе Усикті күтеді. Арнайы осы жекпе жек үшін жасалған. Тұңғыш рет төрт белдік бір кездесуде. Тарихи жекпе жек. 2024 жылдың 18 мамыры», - деді Әл аш-Шейх.