Фаниль Рафиков Қуат Хамитовқа жауап берді
ММА файтері Фаниль Рафиков Қуат Хамитовқа жауап берді, деп хабарлайды Sport Plus Qazaqstan Хамитов Рафиков алдағы жекпе жекте Нуриман Аббасовқа ұтылады деп болжаған еді.
«Қуат өзіне абай болсын. Оны Шлеменкомен кездесу күтіп тұр, мен өз жекпе жегіме дайындаламын. Мені жақсы көрудің қажеті жоқ, бірақ мені сыйлау керек. Қазір дайындалып жатырмын, арнайы Осетияға да бардым. № 1 мақсатым — Нариман Аббасовты жеңу. Қазір бапкеріміз Эдуард Базровтың жетекшілігімен ARS Team залында жаттығу жасаудамын. Бұл жерде Осетияның үздік файтерлері жаттығады оның ішінде АСА мен Hardcore чемпиондары бар. Бізбен бірге Асу Алмабаев та жаттығып жүр»
Аббасов (29-5) — Рафиков (22-7) чемпиондық кездесуі 18 мамыр күні Naiza FC мен AMC Fight Nights біріккен турнирінде Алматы өтеді.
