Эдуард Базров Абу мен Амангельды арасындағы жекпе-жек туралы: Дастан – нағыз чемпион, бірақ Нурболатқа жеңу керек

«Dar Team» командасының бас бапкері Эдуард Базров Sport Plus Qazaqstan сайтына берген сұхбатында NAIZA титулы үшін Нурболат Абу мен Дастан Амангельды арасындағы алдағы жекпе-жек туралы пікірін бөлісті:

«Біріншіден, бұл өте жақсы қарсыластық. Бұл Нурболат Абу үшін өзін көрсетуге мүмкіндік. Біздің команда үшін өте жақсы сын. Біз дайындалып жатырмыз және 6-шілдеге толықтай дайын боламыз. Қарсыласымыз өте жақсы, біз оны бірнеше жылдан бері білеміз. Дастан — нағыз чемпион. Ол бұл титулды жайдан жай иеленген жоқ, ол мұны дәлелдеді. Қарсыласымызға тек құрмет. Біз бүгінгі күнге дейін қолымыздан келгеннің барлығын көрсетеміз деп сенемін. Мен Нурболат Абуға, оның күшіне толықтай сенемін. Ол өте жақсы дайындалып жатыр, дайындық лагері өте жақсы өтуде. Нурболатқа жеңу керек, бізге ұйым берген барлық мүмкіндіктерді пайдалану керек».