Дмитрий Сергеев: Пенальти неге қойылғанын түсінбедік

«Қайраттың» жартылай қорғаушысы Дмитрий Сергеев «Астанамен» өткен матчты талқылады, деп хабарлайды Sport Plus Qazaqstan

— Матч ауыр болды. Бірақ жанкүйерлерге ұнады, бұл ойында бәрі болды: кеш голдар, күрес, қайтарылған пенальти. Сондықтан қиын, бірақ жігерлі жеңіс. Біз өте қуаныштымыз.

— Екінші таймның басында «Астана» пенальти тепті, ал «Қайрат» ойыншылары ұзақ уақыт дау айтты. Не болды?

— Мұны қайталаудан көруге болады деп ойлаймын. Біздің ойымызша, пенальти жоқ еді. Бірақ төрешілер оны қойды. Төрешілер комитеті қарастырады деп ойлаймын, жақын күндері құзырлы адамдар пенальтидің болғанын немесе болмағанын айтады. Біздің ойымызша, болған жоқ.