Дмитрий Попко Аргентинадағы турнирдің финалына шықты

Қазақстандық Дмитрий Попко Буэнос-Айрес (Аргентина) челленджер турнирінің финалына шықты, деп хабарлайды Sport Plus Qazaqstan.

Әлемнің 417-ракеткасы жартылай финалда дүниежүзілік рейтингіде 727-орында тұрған бразилиялық Жоао Фонсекамен шеберлік байқасты.

Бірінші партияда бірден 3:0 есебімен алға кеткен қазақстандық теннисші есесін жібермеді - 6:2.

Екінші сетті де ол жеңіспен тәмамдады - 6:4.

Бір сағат 25 минутқа созылған матчта Попко 2 эйспен бірге 8 брейк-пойнттың бесеуін пайдалана білді. Қарсыласы 1 эйс, 2 брейкпен шектелді.

Дмитрий Попко финалда әлемнің 415-ракеткасы, Перу өкілі Гонсало Буэномен бас жүлдені сарапқа салады. Ол тағы бір бразилиялық Жоао Лукас Реис Да Сильваны ұтты - 6:4, 6:4.