Дмитрий Баландин: Болашақ Азия және Олимпиада ойындарында ең жоғары орындарға жетеміз

Олимпиада чемпионы Дмитрий Баландин Нью-Кларк Сити (Филиппин) су спорты түрлерінен Азия чемпионатында қазақстандық жүзушілердің өнер көрсетуіне пікір білдірді, деп хабарлайды Sport Plus Qazaqstan.

«Ең алдымен барлық спортшы мен бапкерлер штабын керемет нәтижемен құттықтағым келеді. Жарты жыл бұрын олар жасөспірімдер арасындағы әлем чемпионатына қатысып, жақсы нәтиже көрсеткен еді. Ал қазір олар Азияның үздігі екенін көретіп отыр. Бұл көрсеткіштер 2026 жылғы Азия ойындары мен 2028 жылы Лос-Анджелесте өтетін Олимпиада ойындарында жоғары нәтижеден үмітті екенімізді көрсетеді», - деді Баландин.

Қазақстандық спортшылар алғашқы екі жарыс күнінде 11 алтын, сегіз күміс және екі қола медаль жеңіп алып, чемпионаттың алты рекордын орнатты.