Диас Досқараев: Әмір Омарханов – керемет теннисші
Қазақстан теннис федерациясының вице-президенті Диас Досқараев Sport Plus Qazaqstan басылымына берген сұхбатында Қазақстанның ең мықты жас теннисшісін атады:
«Әмір Омарханов – керемет теннисші. Қазірдің өзінде көптеген агенттіктер мен компаниялар қоңырау шалып, онымен келісімшарт жасауды сұрайды. Біз оны коммерциялық құрылымдардың ықпалына түсірмей, өзіміз тәрбиелегіміз келеді, бақытымызға орай Болат Жәмітұлы Өтемұратов жас теннисшілерге инвестиция салып отыр. Әмірдің Қарағандыда жақсы бала кезіндегі жаттықтырушысы болды, содан кейін біз оны Чехиядағы беделді академияға ауыстырдық, қазір ол Типсаревич Академиясында жаттығуда. Ол қазіргі уақытта әлемнің 12-ші ракеткасы. Ол жарқын жетістікке жетуі мүмкін. Оған Мадридтегі мыңдық турнирге вайлдкард берілді, соған қарамастан, ол бұған дейін ересектер деңгейінде бірде-бір матч ойнаған жоқ».
