Дэвис кубогының 2024 жылғы жартылай финалистері анықталды

22 қараша күні Испанияның Малага қаласында өтіп жатқан Дэвис кубогының 2024 жылғы жартылай финалистері белгілі болды, деп хабарлайды Sport+.

Жартылай финалдың бірінші кездесуінде Италия мен Аустралия құрамалары кездеседі. Бұған дейін ширек финалда итальяндықтар Аргентина командасын 2:1 есебімен жеңген еді.

Аустралияның ерлер құрамасы да ширек финалда АҚШ командасын 2:1 есебімен жеңіп, жартылай финалға шықты.

Екінші жартылай финалдық матч Германия мен Нидерланд құрамалары арасында өтеді. Бұған дейін Германия Канада командасын 2:0 есебімен ұтып, жартылай финалға жолдама алды. Бұл жеңістерді Ян-Леннард Штруфф пен Даниэль Альтмайер қамтамасыз етті.

Нидерланд құрамасы ширек финалда Испанияны 2:1 есебімен жеңді. Бұл испандық аңыз Рафаэль Надаль үшін соңғы турнир болды.