Зарина Дияс әлемдік рейтингте төмендеді

Қазақстандық теннисші Зарина Дияс WTA жаңартылған рейтингісінде алты орынға төмендеп, жекелей сында 389-орынға түсті, деп хабарлайды Sport+.

11 қарашадағы рейтингте Дияс 383-орында болған. Өткен аптада Зарина Қазақстан құрамасы үшін бір матч өткізіп, Оңтүстік Корея командасымен кездесу кезінде Со Хён Пакты (305-орын) үш сетте жеңді: 3:6, 6:3, 7:6.

Сондай-ақ, WTA рейтингісінде Қазақстанның үздік бес теннисшісінің ішінде Жібек Құламбаева 334-орынға (-1) және Анна Данилина 896-орынға (-1) төмендеді. Елена Рыбакинаның 6-орыны және Юлия Путинцеваның 29-орыны өзгеріссіз қалды.