Даррен Диц «Автомобилистке» ауысуы мүмкін

«Барыс» пен Қазақстан құрамасының бұрынғы қорғаушысы Даррен Диц «Автомобилист» клубына ауысуы мүмкін, деп хабарлайды Sport+.

Telegram-арнасы «Хоккейная правда» мәліметінше, клуб ойыншыға қызығушылық танытып отыр.

Еске сала кетейік, осы маусымның мамыр айында Диц «Авангард» командасына ауысып, екі жылдық келісімшартқа қол қойған болатын. Соңғы рет Даррен 31 қазанда «Ладаға» қарсы үй матчында мұз айдынына шықты. Ағымдағы маусымда ол 18 ойын өткізіп, 4 (1+3) ұпай жинады.

Бұған дейін ол ҚХЛ-да «Барыс» пен ЦСКА сапында ойнаған. Жалпы лигада Диц 446 матч өткізіп, 233 (88+145) ұпай жинаған.