Данилина Африкадағы турнирдің ширек финалына өтті
Қазақстандық теннисші Анна Данилина Мароккодағы Рабат қаласында жұптық разряд турниріндегі алғашқы кездесуін өткізді, деп хабарлайды Sport Plus Qazaqstan.
Қытайлық спортшы Сюй Ифаньмен жұптасқан қазақстандық спортшы беларусиялық-голландиялық дуэт Лидия Морозова — Аранча Русқа қарсы ойында екі сетте 6:3, 6:2 есебімен сенімді жеңіске жетті. Кездесу бір сағат бес минутқа созылып, 1/8 финалдық кезеңде өтті.
Енді ширек финалда Ван Сиюй (Қытай) — Хэрриет Дарт (Англия) жұбымен кездеседі.
