Дамир Исмагулов: Октагонға абыроймен келдім, қазақ ретінде еңсемді түсірмей шығамын
Дамир Исмагулов Эдуард Вартанянмен жекпе жегіндегі төрешілер шешімімен келіспейді, спортшы өз пікірін білдірді, деп хабарлайды Sport Plus Qazaqstan:
«Мен қазақпын. Октагонға абыроймен келдім, қазақ ретінде еңсемді түсірмей шығамын. Мен бөгде аймаққа келдім, бұл лига қарсыласыма бүйрегін бұрып тұратынын білдім. Жеңіске жету үшін не істеуім керек еді? Эдуард - мықты қарсылас, өкінішке қарай айқын жеңіске жете алмадым. Бірақ бұл жекпе жекте жеңімпаз мен деп білемін, төрешінің шешімі мен үшін түсініксіз. Әлі де қтамыз, Иншалла!»
