Чемпиондар лигасы: Ширек финалға жолдама алған командалар анықталды
Футболдан UEFA Чемпиондар лигасының 1/4 финалына соңғы екі жолдама «Атлетико Мадрид» және «Боруссия Дортмунд» командаларына бұйырды, деп хабарлайды Sport Plus Qazaqstan.
Алғашқы кездесуде Испанияның «Атлетико Мадрид» және Италияның «Интер» командалары кездесті.
Ойын барысында испаниялық клуб қарсыласынан 2:1 есебімен басым түсті. Бірінші матчта италиялық клуб 1:0 есебімен жеңіске жеткен еді.
Қос ойынның нәтижесімен есеп теңесіп, овертаймға ұласты. Овертаймда жеңімпаз анықталған жоқ. Пенальтиде «Атлетико Мадрид» клубының жолы болды.
Тағы бір кездесуде Германияның «Боруссия Дортмунд» клубы Нидерландтың ПСВ командасын 2:0 есебімен қапы қалдырып кетті. Алғашқы ойында 1:1 есебі тіркелді.
