Боксшы қыз Олимпиадада биологиялық ер адамға қарсы жекпе-жектен бас тартып, жылап жіберді
Италияның боксшысы Анджела Карини Париждегі Олимпиада ойындарында Алжирдің өкілі Иман Хелифке қарсы жекпе-жектен бас тартты және жеңілгеннен кейін эмоционалды түрде күйзелгенін айтты, деп хабарлайды Sport Plus Qazaqstan.
66 келіге дейінгі салмақ дәрежесінде 1/16 финалда Хелифке қарсы Карини бірінші раундта жекпе-жекті жалғастырудан бас тартты. Спортшы бұрыштағы бапкерлеріне қарсыласынан ауыр соққылар алғанын айтып, ауырсынуына шағымданды. 2023 жылы IBA Хелифті Үндістандағы әлем чемпионатынан тестостерон деңгейінің жоғары болуына байланысты қатыстырмады.
«Мен мұнда біреуді айыптау немесе үкім шығару үшін келген жоқпын. Егер спортшы өзін осылай ұстаса, бұл дұрыс па, жоқ па, оны шешетін мен емес. Мен тек боксшы ретінде өз жұмысымды істедім. Рингке шығып, жекпе-жек өткіздім. Мен мұны басымды тік ұстап жасадым, бірақ соңғы километрді еңсере алмадым. Менің жүрегім жаралы, өйткені мен жауынгермін. Әкем маған жауынгер болуды үйретті. Мен әрқашан рингке шығып, елімді абыроймен қорғадым. Бірақ бұл жолы мен оны жасай алмадым, өйткені жекпе-жекті жалғастыра алмадым», — деп Каринидің сөзін Sky Sports жеткізді.
