Биатлоннан жастар арасындағы Қазақстан чемпионаты басталды

Щучинскте биатлоннан жастар арасындағы Қазақстан чемпионаты басталды, деп хабарлайды Қазақстан биатлоншылар Одағы.

Алғашқы күні жеке сында Абай, Ақмола, Ақтөбе, Алматы, Шығыс Қазақстан, Қарағанды, Павлодар және Солтүстік Қазақстан облыстарынан 150 спортшы жарыс жолына шықты.

Нәтижесінде 12,5 шақырымда Данил Червенко (Ақмола облысы) 0:37:59 көрсеткішімен мәре сызығына бірінші боп келсе, Артем Афанасьев екінші, Антон Гуров үшінші орында.

Қыздар арасында Ульяна Ардалионова  он шақырымда үздік атанса, Яна Чупик пен Адима Қуанышбекова жүлдегерлер қатарында.

Біріншілік 21 қаңтарға дейін жалғасады, үздіктер Эстониядағы әлем чемпионатына іріктеледі.