Беньямин Шешко: Ойын алдында біраз алаңдаушылық болды

Қазақстан құрамасының қақпасына хет-трик жасаған Беньямин Шешко УЕФА Ұлттар Лигасының екінші турында командасының жеңісіне қатысты пікір білдірді, деп хабарлайды Sport Plus Qazaqstan.

«Команданың жеңісіне үлесімді қосқаныма өте қуаныштымын. Мен үшін ең маңыздысы — команданың бір бөлшегі болу. Маған ұнады, әрі осындай ойындар көп болады деп үміттенемін! Ойын басталар алдында біраз алаңдаушылық болды, бірақ матчтың қалай сәтті өткенін көрдіңіздер. Словения құрамасы үшін хет-трик — бала күнімдегі арманым! Осы жеңісті нығайта түсеміз деп үміттенемін», — деді Шешко матчтан кейін.

Екі турдан кейін Қазақстан құрамасының қоржынында бір ғана ұпай бар: Станислав Черчесовтың шәкірттері турнирді Норвегиямен (0:0) тең ойнап бастаған еді.