«Барыс» ойыншылары All-Star бастапқы құрамына енген жоқ

Хоккей Жұлдыздары апталығы-2025 сайтының мәліметінше, жұлдызды демалысқа командалардың бастапқы құрамын анықтау үшін жанкүйерлер арасында дауыс беру аяқталды, деп хабарлайды Sport+.

Жанкүйерлер төрт дивизионнан 16 хоккейшіні таңдады. Сонымен қатар, маусымдағы овертайм қаһармандары арасында өткен дауыс беруде жеңіске жеткен Сэм Энес те тізімге енді.

Алайда, дауыс берудің алғашқы кезеңінде «Барыс» командасының ешбір ойыншысы жанкүйерлер таңдауы бойынша құрамға кіре алмады.