«Барыс» маусымдағы алғашқы жеңісіне қол жеткізді

Қазақстандық «Барыс» хоккей клубы «Автомобилист» клубынан басым болып, жаңа маусымның алғашқы жеңісіне қол жеткізді, деп хабарлайды Sport Plus Qazaqstan.

Кездесу 2:1 есебімен аяқталды. Матчтың негізгі уақытында астаналықтар сапында шайбаны Кирилл Савицкий соқса, овертаймда Майкл Маклеод мергендігімен көзге түсті. Қос шайбада да капитан Роман Старченко нәтижелі паспен көмегін тигізді.

Келесі матчты «Барыс» 19 қыркүйекте «Ақ Барс» командасына қарсы өткізеді.