«Барыс» КХЛ құрамынан шығуды жоспарлап отырған жоқ

КХЛ президенті Алексей Морозов қазақстандық «Барыс» клубының Континенталдық хоккей лигасынан шығуды жоспарламайтынын мәлімдеді, деп хабарлайды Sport Plus Qazaqstan.

«Біз Қазақстан федерациясымен және клубпен байланыстамыз. Олардың КХЛ-дан шығуға ниеті жоқ екенін көріп отырмыз. Өзара түсіністік бар. Біз ресейлік және шетелдік клубтармен сөйлестік, Халықаралық хоккей федерациясының не істей алатынын түсінеміз. Егер тәуекелдер болған жағдайда, «Барыс» КХЛ-дан шығуы мүмкін еді, бірақ бәрі заңгерлермен мұқият талқыланды», – деді Морозов журналистерге.