«Барыс» клубы 2025/26 маусымына қойылған мақсаттары жариялады
«Барыс» хоккей клубының бас директоры Сәкен Мұсайбеков команда алдына қойылған маусымдық міндеттерді жариялады, деп хабарлайды Sport+.
— Басты мақсатымыз — ұйымшыл ұжым қалыптастырып, жанкүйерлерді трибунаға қайта қайтару. Толы стадионда ойнау әрқашан да керемет әсер сыйлайды. Сол себепті де біз Михаил Григорьевичті шақырдық. Оның ойыншы және бапкер ретінде мол тәжірибесі бар. Қазіргі нақты міндет — плей-офф кезеңіне шығу, — деді Мұсайбеков.
Жаңа КХЛ маусымында «Барыс» алғашқы ойынын 7 қыркүйекте өз алаңында «Тракторға» қарсы өткізеді.
