Азия Кубогының «В» тобының қорытындысы

Азия Кубогының «В» тобында үшінші турдың ойындары аяқтады, деп хабарлайды Sport Plus Qazaqstan.

Бірінші орын үшін Аустралия мен Өзбекстан құрамалары өзара таласты. Аустралиялықтар бірінші таймның соңында есеп ашты – пенальтиден нәтижелі соққының авторы Мартин Бойл атанды.

Бірақ ойынның екінші жартысында Өзбекстан құрамасын жеңілістен Әзизбек Тургонбоевтың соққысы аман сақтап қалды. Осы нәтиженің арқасында Аустралия топта бірінші, ал Өзбекстан екінші орынға ие болды.

Үшінші орын үшін Сирия құрамасы минималды есеппен Үндістанан басым түсіп, плей-офф кезеңі үшін үміттерін үзбеді. Жарыс ережесі бойынша үшінші орын алған 6 құраманың үздік 4-еуі жарыстың 1/8 финалына жолдама алады.