Азамат Дәулетбеков Олимпиаданың 1/8 финалында америкалыққа есе жіберді

Еркін күрестен Қазақстан командасының үздігі Азамат Дәулетбеков Париж Олимпиадасының бірінші айналымында ұтылды, деп хабарлайды Sport Plus Qazaqstan.

Тәжірибелі балуан америкалық Аарон Брукске есе жіберді. Есеп - 3:4.

Аарон Брукс АҚШ біріншілігінде әйгілі Дэвид Тейлорды жеңген болатын. 

Енді Дәулетбеков Брукстың финалға шығуын күтеді. Егер ол ақтық сынға сүрінбей жетсе, Дәулетбековте жұбаныш белдесуіне мүмкіндік пайда болады.