Ауыр жекпе-жек болды: Қаршыға Дәуітбек Жапониядағы жеңісіне қатысты пікір білдірді

Қаршыға Дәуітбек (14-3) Жапонияда «TOP BRIGHTS 1» турнирінде жергілікті жауынгер Коёми Мацусиманы (14-7) бірінші раундта нокаутпен жеңді, деп хабарлайды Sport Plus Qazaqstan.

«Жекпе-жек қызықты әрі ауыр болды. Қарсыласым өте мықты дайындалған. Өте тәжірибелі екен. Бұған дейін біраз жекпе-жек өткізгені байқалды.

Дегенмен Аллаға шүкір, алға қойған мақсатымды орындадым! Жеңіске жеттім. Қолдау білдірген қазақ еліне алғысым шексіз!

Келесі кездесудің кіммен және қашан болатыны әзірге белгісіз. 1 апта демалыстан кейін анықталады», - деді Қаршыға Дәуітбек.