Астанада шахматтан II Chess Class олимпиадасы өтуде
Astana IT University қабырғасында Қазақстанның әр өңірінің мектеп командаларының басын қосқан II Chess Class олимпиадасы өтіп жатыр, деп хабарлайды Sport +.
Биылғы жылы жарысқа еліміздің 12 аймағының 35 командасына және Астана қаласының 19 командасына өкілдік ететін 174 ойыншы қатысуда.
Турнирдің жүлде қоры 3 000 000 теңге, жарыс аясында швейцариялық жүйе бойынша 7 тур өтеді.
Биылғы олимпиадаға қатысатын әр команда төрт мектеп оқушысынан және бір мұғалімнен тұрады.
Қатысушылар жас санаты ескеріліп тиісті тақталарға бөлінген, бұл: жоғары сынып оқушылары (17 жасқа дейін), төменгі сынып оқушылары (12 жасқа дейін) және де қыздардың қатысуы міндетті.
