Андрей Чугай үшін Олимпиада аяқталды
Франция астанасы Париж қаласында өтіп жатқан Олимпиада ойындарында бүгін ел намысын қорғаған қазақстандық велотрекші Андрей Чугай жарысты жүлдесіз аяқтады, деп хабарлайды Sport Plus Qazaqstan Kazinform.kz сайтына сілтеме жасай отырып.
Ол спринт бағдарламасында сынға түсіп, 30 спортшы арасынан мәреге 30-шы болып келді. Ол белгіленген қашықтықты 10,047 секундта басып өтті.
Бүгін қазақстандық спортшылар спорттың бес түрінен сынға түсуде. Нақтырақ айтсақ, байдарка мен каноэде есу, грек-рим күресі, бокс, таэквондо және тректегі велоспорттан спортшыларымыз ел намысын қорғауда.
Қазір Қазақстан қоржынында Париж Олимпиадасының 1 алтын, 1 күміс, 3 қола медалі бар.
