Әмір Омарханов Orange Bowl турнирінің жеңімпазы атанды

18 жасқа дейінгі Қазақстанның бірінші ракеткасы Әмір Омарханов ITF Juniors J500 сериясындағы беделді Orange Bowl жасөспірімдер турнирінде жұптық сында жеңіске жетті, деп хабарлайды Sport+ Қазақстан теннис федерациясының баспасөз қызметіне сілтеме жасап.

Финалда қазақстандық спортшы ресейлік Тимофей Дерипаскомен жұп құрып, Анри Берно (Швейцария)/Денис Петака жұбын 3:6, 6:1, 10:1 есебімен жеңіп, керемет жеңіске қол жеткізді.

Orange Bowl турнирі жыл сайын АҚШ-тың Флорида штаты, Плантейшен қаласында өтеді. Турнир жасөспірімдер арасындағы бейресми әлем чемпионаты болып саналады. Матчтар ашық алаңда, жасыл топырақ төсенішінде өтеді.