Америкалық клубтың шабуылшысы Қазақстан жастар құрамасына шақырту алды

«Спокан Чифс» командасының 18 жастағы шабуылшысы Асанәлі Сәркенов Канадада өтетін әлем чемпионатына дайындалу үшін Қазақстан жастар құрамасына шақырту алды, деп хабарлайды Sport+.

Ағымдағы маусымда Сәркенов Батыс хоккей лигасының (WHL) тұрақты чемпионатында 15 матч өткізіп, 9 (2+7) ұпай жинады.

Жастар арасындағы хоккейден әлем чемпионаты Канада астанасы Оттавада 2024 жылдың 26 желтоқсанынан 2025 жылдың 5 қаңтарына дейін өтеді. Қазақстан құрамасы «В» тобына түсіп, Швеция, Чехия, Словакия және Швейцария командаларымен бақ сынайды.