Алматыда үстел теннисінен беделді турнир өтеді

Алматы осымен екінші рет үстел теннисінен WTT Youth Contender Almaty беделді турнирінің астанасы атанбақ, деп хабарлайды Sport Plus Qazaqstan.

Биыл жарыс 27-30 шілде аралығында өтеді. Жүлделер барлық жас дәрежесінде сарапқа салынбақ.

Алдағы турнирге 17 елден 230 спортшы қатысады деп күтілуде. Оның ішінде Бельгия, Гонконг, Үндістан, Иран, Катар, Қытай Тайбейі, Қырғызстан, Моңғолия, БАӘ, Сауд Арабиясы, Словакия, АҚШ, Түркіменстан, Түркия, Өзбекстан, Жапония елдері қатысуын растаған.

Айта кететін жәйт 11-19 жас аралығында өтетін жарыста үздік шыққанда тек жүлделер ғана емес, әлемдік рейтингтегі ұпайларға да ие болады.