Александр Недовесов Туриндегі турнирдің жартылай финалына шықты

Қазақстандық теннисші Александр Недовесов Эквадорлық Гонсало Эскобармен жұптасып, Туринде (Италия) өтіп жатқын Челленджер турнирінің жартылай финалына шықты, деп хабарлайды Sport Plus Qazaqstan.

Таңертең Недовесов – Эскобар жұбы үнділік Шрирамбалай Нараянасвами мен неміс Андре Бегеманнды 6:4, 6:3 есебімен жеңді.

Түстен кейін қазақстандық-эквадорлық дуэт венесуэлалық Луис Мартинес пен колумбиялық Кристиан Родригесті 7:5, 6:3 есебімен жеңді.

Жартылай финалда Недовесов – Эскобар бірінші ракеткалар Андреас Мьес (Германия) және Нил Скупски (Ұлыбритания) жұбымен кездеседі.