Alash Pride 96 турнирінің екі жекпе-жегі жарияланды
2 мамыр күні Алматыда өтетін Alash Pride 96 турнирінің басты жекпе-жегінде жаңа салмақ дәрежесіне ауысқан лиганың бұрынғы чемпионы Рауан Бекболат ресейлік Дмитрий Долматпен шаршы алаңға шығады, деп хабарлайды Sport Plus Qazaqstan.
Сонымен қатар, турнирде тағы екі жекпе-жек жарияланды. Қазақстандық Мақсат Есболатов (5-2) бразилиялық Луис Андре Сикуераға (6-9) қарсы шығады.
Тағы бір қазақстандық Досқали Аширов тәжірибелі өзбек Бобур Абдулазизовпен кездеседі.
Турнир Sport Plus Qazaqstan телеарнасында тікелей эфирде көрсетіледі.
