Айдар Махметов джиу-джитсудан әлем чемпионатында жеңіске жетті

Жапонияның Тиба қаласында джиу-джитсудан SJJIF (Sport Jiu-Jitsu International Federation) нұсқасы бойынша әлем чемпионаты өтті.

Sport+ арнасының амбассадоры Айдар Махметов Мастерс дивизионында, қара белбеу, абсолюттік салмақ дәрежесінде (кимоносыз) өнер көрсетті.

Айдар өз салмағында тіркелген болатын, алайда жекпе-жек басталғанға дейін қарсыластары жарыстан бас тартты, соның нәтижесінде Махметов әлем чемпионы атанды. Абсолюттік салмақ дәрежесінде қазақстандық спортшы вице-чемпион болды.

Жартылай финалда Айдар Жаңа Зеландия өкілін 5:0 есебімен жеңді, ал финалда бразилиялық Родриго Де Соузадан ұтылып қалды.

«Мен өз салмағымда күресуім керек болатын, бірақ алдымен екі қатысушы, кеше тағы біреуі жарыстан шықты да, мен жалғыз қалдым. Сондықтан маған жекпе-жексіз алтын медаль табысталды. Мұндай алғаш рет болып тұр. Сондықтан бұл медалды нағыз жеңіс деп есептемеймін.

Нәтиже жаман емес. Әсіресе менің ұшу мен іссапар кестемді ескерсек.

Қара белбеу финалдарына ұйымдастырушылар нағыз шоу жасады — спортшыларға жеке шығу және таныстыру рәсімі өтті. Өте керемет болды! Жалпы, чемпионаттың ұйымдастырылуы — мен джиу-джитсуда көрген ең үздіктердің бірі», — деп бөлісті Айдар әлеуметтік желілерде.