Абиба Әбужақынова Париждегі Олимпиададан кейін пәтер сатып алуды жоспарлап отыр
Қазақстандық дзюдошы Абиба Әбужақынова 2024 жылы Парижде өтетін Олимпиададағы сыйақы туралы сұраққа жауап берді, деп хабарлайды Sport Plus Qazaqstan Meta-ratings.kz сайтына сілтеме жасап.
«Әрине, олар ремонты аяқталмаған пәтер сыйлайды (күліп). Егер Парижде медаль алуға қол жеткізсем, өзіме пәтер сатып аламын. Қазіргі пәтерім кішкентай, сондықтан үлкенірекке көшкім келеді. Қалған ақшама көлік сатып аламын», — деді Әбужақынова.
Еске сала кетейік, Париждегі Олимпиада 26 шілде мен 11 тамыз аралығында өтеді. Бұған дейін Әбужақынова биылғы жылдың бірінші жартысында өткен дзюдодан әлем чемпионатында қола медаль жеңіп алған болатын.
