25 шілдеде қазақстандық спортшылар Париждегі Олимпиада ойындарында жарыстарын бастайды

Ертең, 25 шілдеде, қазақстандық спортшылар Париждегі Олимпиада ойындарында жүлделі орындар үшін күресті бастайды, деп хабарлайды Sport Plus Qazaqstan.

Париж-2024 Олимпиадасында алғашқылардың бірі болып Қазақстанның ерлер құрамасы садақ атудан жарысқа шығады.

Бұл жарыс бағдарламасында елімізді Ильфат Абдуллин, Дәулеткелді Жаңбырбай, Александр Еременко таныстырады.

25 шілдеде жекелей жарыстар басталады. Спортшылар рейтингтік раундтан өтуі тиіс, оның қорытындысы бойынша Олимпиадалық турнирдің әрі қарайғы кестесі анықталады. Плей-офф 30 шілдеде 1/32 финалдан басталады.

Ертеңгі жарыс Астана уақытымен 17.15-те басталады.